خبير قهوة

أغلب الناس بتشرب قهوة و لكن القليل منهم اللى بيعرف يفرق ما بين أنواع القهوة و خاصة القهوة فى مصر بسبب أنها قهوة ( بوش ) يعنى لازم يبقى فى كثافة من البن أعلى فنجان القهوة وهو دا الوش و أنواع غش القهوة كما تم ذكرها فى المقالة السابقة كتير https://gustocoffee.blogspot.com/2019/05/blog-post_8.html

و فى ناس كتيير يروح يشترى قهوة فالبائع يبلغه أن البن دا كولومبى مثلا أو برازيلى أو أندونيسى و فى مقالة سابقة أيضا إتكلمنا على أنواع كل بلد و مميزات القهوة فيها و تعال نراجع مع بعض أولا فى بلاد بتنتج نوع القهوة آرابيكا مثل البرازيل و كولومبيا و فى بلاد بتنتج الروبيستا مثال الهند و فيتنام و أندونيسيا و يختلف طعم القهوة بين هذين النوعين فالآرابيكا يمتاز بحجمه الصغير و حلاوة مذاقه أما الروبيستا فيتميز بحجمه الكبير و طعمه له مرارة و حمضية أكثر و أيضا يختلف المذاق فى نفس النوع فالبن يختلف من بلد لبلد و فى البلد الواحد يختلف بإختلاف مكان زراعته https://gustocoffee.blogspot.com/2019/05/blog-post_23.html

طيب بعد دا كله هاعرف إزاى أن البن دا كويس أولا المحلات الكبيرة و التى لها سمعه طيبة بتلاقى أنه عارض أنواع القهوة بعد تحميصها أمامك

1-  فبالنظر بتقدر تعرف حجم حبة القهوة و بتعرف أنه لازم يبقى عامل خلط ما بين الآرابيكا و الروبيستا لأن الآرابيكا مسؤول عن الطعم و الروبيستا فى مصر هو اللى بيعمل الوش 
2- طحن القهوة بعد مايطحن القهوة ممكن تتذوق القهوة الخام اللى طحنها هتعرف طعمها على طول إن كانت حلوة او مرة 
3- لو ماعرفتش تفرق من اللى فات و أخدت القهوة و لقيت أن طعمها مر تعرف على طول ان القهوة دى روبيستا فقط و حجم صغير و له طعم مر و البن رخيص 
4- إذا القهوة بقى ليها بقايا فى الفم يبقى الطحن مش كويس 
5- إذا القهوة رسبت فى الفنجان تعرف ممكن يبقى حاجتين لو القهوة لها طعم مش قهوة هيبقى القهوة متخلطة بذرة أو ماشابه لو القهوة طعمها حلو يبقى الطحن زاد على القهوة فرسبت لأن البن أصبح خفيف بسبب الطحن الزائد 
6- لو القهوة لها رائحة غير رائحة القهوة إعرف تماما أن دا خليط من ذرة أو فول صويا على طول