إكسب من القهوة

علشان القهوة مشروب إستراتيجى و لا غنى عنه للكثير من الناس و مثل ما تحدثنا سابقا عن عمل مشروع من توزيع القهوة و الإتفاق مع أحد مطاحن القهوة فى منطقتك لأخذ القهوة منه سواء التوزيع لحسابه أو شراء البن و التوزيع لحسابك انت و لكن هنا يظهر دور خبير القهوة https://gustocoffee.blogspot.com/2019/07/blog-post_27.html و دا علشان تكون المعلومات كلها معاك 

1- هتعمل مسح لكل المناطق اللى هتبيع فيها علشان تعرف أعداد القهاوى و الكافتريات و العطارين 

2- لازم تعرف العملاء دول بيتعاملوا فى اى نوع قهوة و سعره كام 

3- لازم تعرف العملاء بتتعامل فى أى لون من القهوة فاتح و لا غامق و لا وسط 

4- لازم تعرف بيستهلكوا كام كيلو فى الأسبوع 

5- لازم تعرف مين المسؤول ( اللى بيشترى ) و رقم تليفونه 

بعد ما تجمع هذه المعلومات تبتدى تعمل دراسة عن السوق و تكلم صاحب مطحن البن عن نوعية البن اللى إنت عاوزها و هتاخد منه القهوة بسعر كام علشان تعرف تعمل متوسط سعر لمكسبك و تعرف تنزل السوق وسط المنافسه القوية الموجودة 

و مش كده و بس ............

و لازم تتفق مع صاحب المطحن أن البن اللى هتاخده يكون نفس اللون دائما و نفس الطحنه اللى عجبت الناس 

و فى الأول هتاخد وقت علشان تعرف العملاء و العملاء تعرفك وتبتدى تاخد منك و إنت تعرف إستهلاكهم كام أسبوعيا و بعد ماتتبنى الثقة تيجى فترة الراحة و هى إنك خلاص الشغل بالتليفون هيتطلب منك حسب إحتياجه لو محتاج حاجه أكثر من طلبه كل مرة 

ولو عايز تعرف أكثر عن الموضوع دا راسلنى فى التعليقات