بيع القهوة للعطارين

محل العطارة عبارة عن محل لبيع كل مستلزمات العطارة من الأعشاب و الزيوت الطبيعية و الخلطات و من ضمن البضاعه اللى بيتاجر فيها القهوة و لكن القهوة بالنسبة لمحل العطارة تباع بطريقتين 

1- بيع القهوة بالميزان يعنى بيشترى البن مطحون و جاهز و هو يبيع بالوزن فى عبوات من عنده 
2- محل العطارة بيبيع للكافتيريات و القهاوى عبوات بن مجهزة سابقا ووزنها من ربع كيلو لكيلو على حسب الطلب 

يبقى إنت مشروعك هيكون قائم على العطارين الجملة اللى بيشتروا كميات قهوة كبيرة و معبأة فى أكياس وزنها كيلو و دا غالبا و اهم حاجة إنك تتفق معاهم على نوعية البن اللى بيشتروه و هو من حيث اللون و التحويجه و طبعا هياخدوا فى الأول عينات هدايا علشان يجربو القهوة و بعد الإتفاق هتعرف كل واحد منهم هيشترى كمية كام كل أسبوع و بالتالى هتعرف المبيعات الإجمالية و زى ما كان فى المقال الماضى كيفية حساب التكلفة و الربح https://gustocoffee.blogspot.com/2019/08/blog-post_10.html هتحسب الكميات المتوقع بيعها و تقسم عليها التكلفة يعنى مثال 

لو التكلفة بتاعتك 1000 جنيه طول الشهر مواصلات و اى نفقات  و إنت متوقع بيع 1000 كيلو يعنى كده تكلفة القهوة 1 جنيه على كل كيلو + ثمن شراء الكيلو لو هتشتريه لو إنت الموزع فقط يبقى هتضيف ربحك أو نسبتك فقط و لكن لو إنت هتشترى و توزع لحسابك يبقى 
ثمن القهوة و ليكن 60 جنيه + 1 جنيه تكلفة + 5 جنيه أرباح = الإجمالى 66 
يعنى غنت هتبيع الكيلو بسعر 66 جنيه و لكن هتشوف دا مناسب لسعر المنافسة فى السوق يعنى السعر هينافس و لا غالى و لو كان غالى هتبتدى يا إما تعمل عرض يعنى 

كل 100 كيلو مثلا عليهم كيلو هديه  أو هتنزل بسعر الكيلو و تبيع مثلا بسعر 63 للكيلو و هكذا 
و بكده يبقى إنت لو بعت 1000 كيلو فى الشهر و دى كميه فعلا قليلة يبقى إنت فى الشهر هتحقق من 3000 إلى 5000 جنيه أرباح صافية بعد المصاريف