تكلفة و ربح مبيعات القهوة

تعال نكمل موضوع بيع القهوة و الربح منها و هنفرق هنا مابين العملاء زى ماقلنا و هو بيع للعطارين و القهاوى و بيع السوبر ماركت و النهاردة هنتكلم عن بيع السوبر ماركت

1- بيع السوبر ماركت 
طبعا لازم نعرف إيه المهم للسوبر ماركت كل المهم هو الفائدة يعنى إيه يعنى مكسبه كام من بيع القهوة اللى إنت هتجيبها و كمان مهم بالنسبة له سرعه مبيعاتها و اللى إسمها سرعة دوران المنتج و دا ممكن تعرفه من المقال التالى https://sa3adatk.blogspot.com/2019/08/blog-post_10.html و دا بيكون بسبب شهرة العلامة التجارية اللى إنت بتوزعها و طبعا علشان إنت هتقول ما أنا مش هاعرف اوزع لعلامات تجارية مشهورة لأن دول أكيد بيوزعوا بنفسهم معاك حق و لكن فى مطاحن بن فى مناطقها لها شهرة كمان و هتخليك توزع بقوة و هنا بعد ماتختار العلامة اللى هتوزعها هتبتدى تحسب تكلفتك و التكلفة هى 
1- النقل  2- لو ليك مساعد او شريك هتعمل حساب مرتبه أو ربحه 

1- نقل البضاعه و دا ممكن يبقى بطريقتين 
أ- إنك تروح الأول بعينه من المنتج و تعرضها على السوبر ماركت و تاخد منهم طلبات و دى فى المبيعات إسمها Order Taker  و بعد ماتجمع الأوردر تأجر سيارة او تريسيكل توزع بيه البضاعه 
و الطريقة دى ليها ميزة إن تكلفة نقلك بتبقى أقل لأنك بتلف مرة واحده فقط 
و لها عيب إن ممكن يكون تاجر محتاج البضاعه دلوقت و إنت مش معاك  بكده البيه بتروح منك 

ب- إنك تأجر سيارة أو تريسيكل تاخد فيه البضاعه و تلف بيها و يبقى البيع أول ماتتفق تنزل بضاعتك على طول و هنا بتيجى ميزة الطريقة دى أنها بتخليك تبيع على طول و لو المنافسه مش موجودة فانت بتاخد مكانها و العميل بيشوف منتجك على الرف فبيجربه و العيب أن تكلفتك بتبقى أعلى لأنك بتلف كتير فالإيجار بيزيد 
و بيع السوبر ماركت بيحتاج منك كل أصناف القهوة و ألوانها على عكس بيع القهاوى و العطارين 

و لو مواصلة  بتاعتك يعنى عربيتك فأنت بتتكلف البنزين و الصيانه على المدى الطويل 
اما الربح 
هو إنك بتعرف الكيلو سعره كام و بتضيف عليه تكلفتك و الربح اللى إنت عايزه بناءا على سعر المنافسه