من محل بن إلى أكبر بنك فى العالم ................... إزاااااى ؟؟؟
أكبر عدد فروع بنك فى العالم بنك HSBC عنده 4000 فرع لكن ؟؟؟
ستار بكس عنده 32000 فرع فى العالم رقم كبييير تعال نعرف القصة و تبدأ من
المفاجاة أن اللى شهر الشركة بالشكل دا مش صاحبها دا كان موظف عادى فى الشركة و اترفد و القصة بدأت عند رجل أعمال أمريكى سافر إلى إيطاليا يتفسح وفى روما بالتحديد قعد على كافيه يشرب قهوة و كانت القهوة ليها طعم رائع و مختلف تماما عن القهوة فى أمريكا و اللى كان طعمها مش حلو خالص و قعد يفكر لو القهوة دى نزلت أمريكا هتعمل ضجة و بالفعل
وصل أمريكا و قابل أصحابه و اقترح عليهم انه يفتح محل للقهوة الإيطالى ووقتها مكانش فى غير القهوة العربى بس و بالفعل اتفقوا و فتحوا اول محل قهوة إيطالى عام 1971 باسم ستاربكس و كان بيبيع قهوة إيطالى ومعاه مطحنه قهوة و بالفعل نجح المشروع و فتحوا أكثر من فرع و بعد 10 سنين
هاورد شولتس يشرب القهوة فى ستار بكس و تعجبه و لاحظ أن أوردرات الشركة كبيرة جدا مع العلم أنها شركة لسه فى بداياتها وقال لازم أبقى جزء من الشركة دى علشان لما تكبر يكون لى نصيب منها و قد يحاول و يقدم فى الشركة لحد بعدها بسنه مسك إدارة التسويق و فى عام 1983 سافر لإيطاليا و قعد على أكثر من مقهى و لاحظ أن الناس مش بس بتشترى قهوة و لكن لا دى كمان بتشرب قهوة و بيقعدوا يدردشوا مع بعض و لاحظ أن الناس فى خدمة العملاء بيكتب إسم العميل على الكوباية و ينادى عليه و رجع فرحان جدا بالفكرة و عرضها على مجلس الإدارة و لكن
الإدارة رفضت الفكرة تماما !!!!!!!!!!
و قد يحاول يقنعهم سنتين و لكن برضه تم الرفض !!!
هنا قرر يسيب الشركة و يفتح شركه إسمها جورنالى و دى يعنى جريدة بالفرنساوى و يبيع قهوة و يبيع المشروبات و طبق فكرته برضه و هنا الشركة خلال سنتين حققت نجاحات كبيرة جدا و هنا حصلت المفاجأة أن ستار بكس اتعرضت للبيع و هنا كان لازم ياخد القرار لأن الشركة اللى بيحلم بيها وصلت لأقدامه
و هنا كلم الشركاء و كلم مستثمرين علشان يجمع قيمة الشركة و لكن حصل ما لم يتوقعه و هو قيام أحد المستثمرين و اللى كان معتمد عليه بقوة بعرض مبلغ أكبر لى ستار بكس علشان يشتريها و هنا أحد أصدقاء شولتز قال له لو أنت هتسكت أنا مش هاسكت و بالفعل صديقه كلم بيل جيتس الأب و كان راجل له إحترامه و تقديره و بالفعل أخذه و راح للمستثمر و قاله إن شولتز يهمه و لو ما انسحبتش هيحصل مشاكل كبيره
و هنا دمج شولتز الشركتين مع بعض و طبق فكرته و هنا انتشرت الفروع بشكل مخيف لدرجة انه كان بيفتح 7 فروع فى اليوم لحد ما وصل ل 32000 فرع بدون اى مشاركات
و هنا الجديد
شيم جونك تاى مدير تنفيذى لأكبر ثالث شركة ماليه فى كوريا قال ان ستار بكس بيتحول لبنك مخالف و القهوة دى ستار فقط
شولتز فكر فى حاجة جديدة و هى ابليكيشن بتشحن عليه فلوس و بتشترى بيها من ستار بكس و كل ماتشترى تاخد نجوم تاخد بيها مشروبات مجانية و دا خلى التعامل اسهل و بالفعل بقت ميزانية ستار بكس 1.5 مليار دولار و دا اكبر من ميزانية بنوك كبرى فى أمريكا
و دا معناه أن التطوير و الفكر مهم جدا
تعليقات
إرسال تعليق